ek khwaab..ajnabi sa,

ek raaz..ankaha sa,

ek jazbaat ..kahi daba hua sa....

ek ehsaas..un chua sa...

ek sangeet...un suna sa..

ek meethi noke-jhonk...

zindagi ko jeena bina rok-toke

wo daal me taaza taaza mirchi ka tadka

wo pehli pehli baar jab dil dhadka

baarish ki pehli boond ka aagaaz

jaise duniya ka sabse pyara sur-saaz

mitti ki wo bheeni-bheeni mahak

bachcho ki maasoom chahak

jeewan ki shaakho ki sabse pyari kyariyaan...

ajnabi,un chui,un suni,ankahi khushiyaan...